0
Sunday 8 Sep 2019 09:21

ایل او سی پر فائرنگ، بھارتی ہائی کمشنر کی دفتر خارجہ طلبی

ایل او سی پر فائرنگ، بھارتی ہائی کمشنر کی دفتر خارجہ طلبی
اسلام ٹائمز۔ پاکستان نے ایل او سی پر سیز فائر معاہدے کی خلاف ورزی پر بھارتی ڈپٹی ہائی کمشنر کو دفتر خارجہ طلب کر کے شدید احتجاج کیا۔ ذرائع کے مطابق پاکستان نے لائن آف کنٹرول (ایل او سی) پر سیز فائر معاہدے کی خلاف ورزی پر بھارتی ڈپٹی ہائی کمشنر آہلو والیا کو دفتر خارجہ طلب کر کے شدید احتجاج کیا گیا اور احتجاجی مراسلہ ان کے حوالے کیا۔ ترجمان دفتر خارجہ ڈاکٹر محمد فیصل کے مطابق 6 ستمبر کو بھارت کی جانب سے کھوئی رٹہ سیکٹر میں جان بوجھ کر پرامن ریلی کے شرکاء کو نشانہ بنایا گیا۔ یہ سیز فائر معاہدے کی خلاف ورزی ہے۔ ڈاکٹر محمد فیصل نے احتجاجی مراسلہ بھارتی ڈپٹی ہائی کمشنر کے حوالے کرتے ہوئے کہا کہ شہری آبادی کو نشانہ بنانا عالمی قوانین اور انسانی حقوق کی خلاف ورزی ہے۔ بھارت ایل او سی اور ورکنگ باؤنڈری پر مسلسل معصوم شہریوں کو نشانہ بنا رہا ہے۔ یاد رہے کہ 6 ستمبر کو امن ریلی پر بھارتی فائرنگ کے کے نتیجے میں 4 شہری شدید زخمی ہو گئے تھے۔
خبر کا کوڈ : 815129
رائے ارسال کرنا
آپ کا نام

آپکا ایمیل ایڈریس
آپکی رائے

منتخب