QR Code

وزیراعظم عمران خان 14 ستمبر کو طورخم بارڈر کا افتتاح کرینگے

10 Sep 2019 21:51

وزیراعلٰی محمود خان نے اپنے ویڈیو پیغام میں اس امید کا اظہار کیا کہ افغانستان اور پاکستان میں روزگار کے مواقع بڑھیں گے، افغانستان اور پاکستان میں غلط فہمیاں بھی ختم ہونگی، سرحد کے دونوں اطراف میں ایک ہی لوگ ہیں افغانی دوسرے ممالک میں جانے کے بجائے یہاں آئیں۔

اسلام ٹائمز۔ وزیراعلٰی خیبر پختونخوا محمود خان نے کہا ہے کہ وزیراعظم عمران خان 14 ستمبر کو طورخم بارڈر کا افتتاح کریں گے۔ پشاور میں وزیراعلٰی محمود خان نے ایک ویڈیو پیغام میں کہا ہے کہ وزیراعظم کی ہدایت پر طورخم بارڈر کو 24 گھنٹے کیلئے کھول دیا ہے، تمام انتظامات مکمل کر لئے ہیں، جبکہ تمام عملہ 24 گھنٹے موجود رہے گا۔ ان کا کہنا تھا کہ تمام اداروں نے اپنا کام شروع کر دیا ہے، طورخم 24 گھنٹے کھلا رہنے سے تجارت کو فروغ ملے گا، بارڈر کھلا رہنے سے وسطی ایشیا تک تجارت بڑھے گی۔ انہوں نے اس امید کا اظہار کیا کہ افغانستان اور پاکستان میں روزگار کے مواقع بڑھیں گے، افغانستان اور پاکستان میں غلط فہمیاں بھی ختم ہوں گی۔ محمود خان نے کہا سرحد کے دونوں اطراف میں ایک ہی لوگ ہیں افغانی دوسرے ممالک میں جانے کے بجائے یہاں آئیں۔

خبر کا کوڈ: 815504