QR CodeQR Code

جنوبی وزیرستان میں اسپتال سے ڈاکٹر کا اغوا، ڈاکٹرز ایسوسی ایشن کا احتجاج

12 Sep 2019 17:19

ینگ ڈاکٹر ایسوسی ایشن کا کہنا ہے کہ باقی علاقوں میں موجود ڈاکٹروں کی جان و مال کے تحفظ کو یقینی بنایا جائے جبکہ اگر ڈاکٹر نور حنان کی بازیابی عمل میں نہ لائی گئی تو پورے صوبے میں ہڑتال کی کال دی جائے گی۔


اسلام ٹائمز۔ جنوبی وزیرستان میں سرکاری اسپتال سے دن دیہاڑے ڈاکٹر کے اغوا ہونے پر ڈاکٹرز ایسوسی ایشن نے شدید احتجاج کیا ہے۔ جنوبی وزیرستان میں ڈاکٹر نور حنان وزیر کو 3 مسلح نقاب پوش افراد نے دوران ڈیوٹی ٹی بی اسپتال وانا سے دن دیہاڑے اغوا کرلیا۔ وائی ڈے اے (ینگ ڈاکٹر ایسوسی ایشن) کا کہنا ہے کہ صوبائی حکومت وزیرستان اور دوسرے دور افتادہ اور پسماندہ علاقوں میں ڈاکٹروں کو بھیجتی ہے، لیکن انہیں تحفظ دینے کے لئے کوئی ٹھوس حکمت عملی اور اقدامات نہیں کئے جا رہے۔ ینگ ڈاکٹرز ایسوسی ایشن نے پورے جنوبی وزیرستان میں تمام اسپتالوں میں بائیکاٹ اور ہڑتال کا اعلان کرتے ہوئے حکومت کو ڈاکٹر کی جلد ازجلد بازیابی کے لیے 3 دن کی مُہلت دی ہے۔ ینگ ڈاکٹر ایسوسی ایشن کا کہنا ہے کہ باقی علاقوں میں موجود ڈاکٹروں کی جان و مال کے تحفظ کو یقینی بنایا جائے جبکہ اگر ڈاکٹر نور حنان کی بازیابی عمل میں نہ لائی گئی تو پورے صوبے میں ہڑتال کی کال دی جائے گی۔


خبر کا کوڈ: 815826

خبر کا ایڈریس :
https://www.islamtimes.org/ur/news/815826/جنوبی-وزیرستان-میں-اسپتال-سے-ڈاکٹر-کا-اغوا-ڈاکٹرز-ایسوسی-ایشن-احتجاج

اسلام ٹائمز
  https://www.islamtimes.org