اسلام ٹائمز۔ گلگت بلتستان کے ینگ ڈاکٹرز نے علامتی احتجاج کا سلسلہ شروع کر دیا، یہ سلسلہ چار دن تک جاری رہے گا، اس دوران ڈاکٹرز بازئوں پر سیاہ پٹیاں باندھ کر اپنی خدمات سرانجام دینگے۔ ڈاکٹروں کا کہنا ہے کہ حکومت ہمارے مطالبات کے حوالے سے سنجیدگی کا مظاہرہ نہیں کرتی تو 16 ستمبر کے بعد سے پورے جی بی کے ہسپتالوں میں او پی ڈیز کو بھی بند کر دیا جائے گا، ساتھ تمام پرائیویٹ کلینکس میں بھی ہڑتال ہوگی۔