شمالی وزیرستان میں پی ٹی آئی کے ایم پی اے اقبال وزیر پر حملہ

اسلام ٹائمز۔ شمالی وزیرستان میں تحریک انصاف کے ایم پی اے اقبال وزیر پر حملہ ہوا ہے۔ اقبال وزیر فاتحہ خوانی کے بعد گھر جا رہے تھے کہ نامعلوم افراد نے انکی گاڑی پر فائرنگ کی تاہم وہ محفوظ رہے۔ سرکاری ذرائع کے مطابق شمالی وزیرستان میں پی ٹی آئی ایم پی اے اقبال وزیر پر نامعلوم افراد نے حملہ کیا۔ حملہ سپین وام کے علاقے اباخیل میں ہوا۔ حملے میں اقبال محفوظ رہے، تاہم گاڑی کو نقصان پہنچا۔ سرکاری ذرائع کے مطابق فاتحہ خوانی سے واپسی پر اقبال وزیر کی گاڑی کو سنائپر گن سے نشانہ بنایا گیا۔ ایم پی اے اقبال وزیر کی گاڑی بلٹ پروف ہونے کی وجہ سے جانی نقصان نہیں ہوا۔ اقبال وزیر کو انتظامیہ و سکیورٹی حکام نے محفوظ مقام پر منتقل کر دیا ہے۔