اسلام ٹائمز۔ ہنزہ میں سوئٹزرلینڈ سے تعلق رکھنے والا سیاح پہاڑی سے پیراشوٹ کے ذریعے چھلانگ لگانے کے دوران حادثہ پیش آنے سے شدید زخمی ہو گیا۔ تفصیلات کے مطابق غیر ملکی سیاح مرکزی ہنزہ میں موجود پہاڑی لیڈی فنگر سے چھلانگ لگانے کے بعد ساتھ موجود ایک اور پہاڑی سے ٹکرا گیا، جس سے وہ شدید زخمی ہو گیا۔ ریسکیو 1122 نے سیاح کو فوری ریسکیو کر کے ابتدائی طبی امداد کے بعد گلگت ریفر کر دیا۔ ہسپتال ذرائع کے مطابق سیاح کے بازو اور ٹانگ پر زخم آیا ہے، تاہم ان کی حالت خطرے سے باہر ہے۔