0
Sunday 22 Sep 2019 09:22

لاہور میں ایڈووکیٹ یافث ہاشمی کی بازیابی کیلئے خاموش احتجاج

لاہور میں ایڈووکیٹ یافث ہاشمی کی بازیابی کیلئے خاموش احتجاج
اسلام ٹائمز۔ ڈیڑھ ماہ سے لاپتہ ایڈووکیٹ یافث نوید ہاشمی کی بازیابی کیلئے لاہور کے علاقے گلبرگ کے مین بلیوارڈ کے لبرٹی چوک میں خانوادہ اور سول سوسائٹی کنیزان زینب کی جانب سے احتجاجی مظاہرہ کیا گیا۔ مظاہرین نے منہ پر سیاہ پٹیاں اور ہاتھوں پر علامتی ہتھکڑیاں پہن کر جبری گمشدگیوں کیخلاف مظاہرہ کیا۔ اس موقع پر ایڈووکیٹ شکیل نقوی کا کہنا تھا پاکستان میں جبری گمشدگی ایک سنگین مسئلہ بن چکا ہے، ہم ایسے ملک کے باشندے ہیں جہاں ادارے بھی ہیں اور قانون بھی لیکن بدقسمتی سے جبری گمشدگیوں کا سلسلہ تھم نہیں رہا۔
 
میڈیا سے گفتگو کرتے ہوئے ایڈووکیٹ شکیل نقوی نے مزید کہا کہ ایڈووکیٹ یافث ہاشمی نے اگر کوئی جرم کیا ہے تو عدالت میں پیش کیا جائے اور سزا دی جائے، پاکستان میں لاپتہ افراد کے ورثاء پریشان ہیں، ہم اس غیر آئینی قدم کے خلاف خاموش نہیں بیٹھیں گے اور ہر فورم سے اس غیر انسانی فعل کے خلاف آواز اٹھائیںگے اور جبری طور پر لاپتہ کئے جانے تمام افراد کی بازیابی کروا کر ہی دم لیں گے۔ مظاہرین نے پلے کارڈ اور احتجاجی بینرز بھی اٹھا رکھے تھے جس پر جبری گمشدگیوں کیخلاف نعرے درج تھے۔
خبر کا کوڈ : 817604
رائے ارسال کرنا
آپ کا نام

آپکا ایمیل ایڈریس
آپکی رائے