اسلام ٹائمز۔ یکم اکتوبر 2004ء بمطابق 15 شعبان بروز جمعہ کو صوبہ پنجاب کے شہر سیالکوٹ کی مسجد زنیبیہ میں دہشتگردوں نے نمازیوں کو خون میں نہلا دیا، نمازی امام مسجد کا خطبہ سن رہے تھے کہ عین اسی وقت پانچویں صف میں زوردار دھماکہ ہوا اور مسجد کے درو دیوار شہداء کے خون سے رنگین ہو گئے، اس دھماکے میں 30 سے زائد نمازی شہید جبکہ 73 سے زائد نمازی زخمی ہوئے۔ سانحہ کو آج پندرہ سال بیت چکے ہیں، تاہم ان شہداء نمازیوں کی یاد آج ایک مرتبہ پھر تازہ کی جا رہی ہے۔ شہداء کی آج برسی ہے، یقینی طور پر ان شہداء کے خانوادوں کو اپنے پیاروں کی یاد ضرور آئے گی کہ جنہوں نے نماز کی حالت میں شہادت کا منصب پایا۔