QR Code

اقوام متحدہ میں مقبوضہ کشمیر میں انسانی حقوق کی خلاف ورزیوں کو اجاگر کرنیکی کوشش قابل تعریف ہے، کور کمانڈرز کانفرنس

3 Oct 2019 22:51

آئی ایس پی آر کے مطابق آرمی چیف جنرل قمر جاوید باجوہ کی زیرصدارت کور کمانڈرز کانفرنس میں اتفاق کیا گیا کہ کسی بھی بھارتی مہم جوئی کا منہ توڑ جواب دیا جائے گا، بھارتی کمانڈرز کی جانب سے غیر ذمہ درانہ بیانات کا بھی جارحانہ جواب دیا جائے گا۔

اسلام ٹائمز۔ آرمی چیف جنرل قمر جاوید باجوہ کا کہنا ہے کہ پاک فوج مادرِ وطن کے دفاع کیلئے مکمل طور پر تیار اور پرعزم ہے، ملک کی عزت، وقار اور سلامتی کا ہر قیمت پر دفاع کیا جائے گا، کشمیر پاکستان کی شہ رگ ہے۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق جنرل ہیڈکوارٹرز (جی ایچ کیو) راولپنڈی میں کور کمانڈرز کانفرنس سے خطاب میں آرمی چیف جنرل قمرجاوید باجوہ کا کہنا تھا کہ پاک فوج مادر وطن کے دفاع کیلئے مکمل طور پر تیار اور پرعزم ہے، ملک کی عزت، وقار اور سلامتی کا ہر قیمت پر دفاع کیا جائے گا، کشمیر پاکستان کی شہ رگ ہے، بہادر کشمیری بھائیوں کے حق خودارادیت پر کوئی سمجھوتہ نہیں کیا جائے گا۔ آئی ایس پی آر کے مطابق آرمی چیف جنرل قمر جاوید باجوہ کی زیرصدارت کور کمانڈرز کانفرنس میں اتفاق کیا گیا کہ کسی بھی بھارتی مہم جوئی کا منہ توڑ جواب دیا جائے گا، بھارتی کمانڈرز کی جانب سے غیر ذمہ درانہ بیانات کا بھی جارحانہ جواب دیا جائے گا۔ کورکمانڈرز کانفرنس نے اقوام متحدہ میں تنازع کشمیر مؤثر طور پر اجاگر کرنے کو سراہا ، اقوام متحدہ میں بھارت کی مقبوضہ کشمیر میں انسانی حقوق کی خلاف ورزیوں کو اجاگر کرنے کو بھی تسلیم کیا گیا جبکہ پاکستان کو غیرمستحکم کرنے کی غیر ملکی سازشوں سے نمٹنے کی کوششوں کی تعریف کی گئی۔
 

خبر کا کوڈ: 820007