0
Sunday 6 Oct 2019 09:32

ایم ڈبلیو ایم پنجاب کا بلدیاتی الیکشن میں بھرپور حصہ لینے کا اعلان

ایم ڈبلیو ایم پنجاب کا بلدیاتی الیکشن میں بھرپور حصہ لینے کا اعلان
اسلام ٹائمز۔ بلدیاتی الیکشن کیلئے تیاریاں شروع کر دیں، اس الیکشن میں ایم ڈبلیو ایم نمایاں طور پر اپنے امیدوار سامنے لائے گی۔ ان خیالات کا اظہار مجلس وحدت مسلمین پنجاب کی صوبائی کابینہ کے صوبائی سیکرٹریٹ لاہور میں ہونیوالے اجلاس سے خطاب کرتے ہوئے صوبائی سیکرٹری جنرل علامہ عبدالخالق اسدی نے کیا۔ اجلاس میں صوبائی سیکرٹری سیاسیات سید حسن کاظمی نے ملک کی سیاسی صورتحال پر کابینہ کو بریفنگ دی۔ اس موقع پر علامہ عبدالخالق اسدی کا کہنا تھا کہ مجلس وحدت مسلمین کا پنجاب نے تنظیم سازی کا سلسلہ جاری ہے جسے رواں ماہ ہی مکمل کرلیا جائے گا اور اس کے بعد لاہور میں علامہ راجہ ناصر عباس کے اعزاز میں خصوصی تقریب کا اہتمام کیا جائے گا۔ اجلاس میں کابینہ کے دیگر عہدیداروں نے اپنی تجاویز اور مستقبل کی حکمت عملی کے حوالے سے تجاویز پیش کیں۔

علامہ عبدالخالق اسدی کا کہنا تھا کہ بلدیاتی الیکشن کے حوالے سے حکومتی سطح پر تیاریاں جاری ہیں اور ایم ڈبلیو ایم بھی اس الیکشن میں بھرپور حصہ لے گی۔ انہوں نے کہا کہ یونین کونسل سطح کے الیکشن غیر جماعتی بنیادوں پر ہوں جبکہ تحصیل سطح کے انتخابات جماعتی بنیادوں پر کرائے جائیں گے۔ انہوں نے رہنماوں کی ہدایت کی وہ سیاسی میدان میں فعالیت دکھائیں اور عوامی فلاح و بہبود کے کاموں میں بڑھ چڑھ کر حصہ لیں۔ انہوں نے کہا کہ مجلس کا منشور وحدت ہے، اور اس حوالے سے زیادہ کام کرنے کی ضرورت ہے۔ اجلاس میں چہلم امام حسین علیہ السلام کیلئے کربلا جانے والے زائرین کو درپیش مشکلات اور لاپتہ شیعہ افراد کی بازیابی کے حوالے سے بھی تبادلہ خیال کیا گیا۔ اجلاس میں سیکرٹری جنرل ڈاکٹر افتخار حسین نقوی، علامہ اقبال کامرانی، رائے ناصر عباس، سید حسن کاظمی، تہور عباس، منتظر مہدی، سید حسن نقوی، حسین شہزاد سمیت دیگر عہدیداروں نے شرکت کی۔
خبر کا کوڈ : 820385
رائے ارسال کرنا
آپ کا نام

آپکا ایمیل ایڈریس
آپکی رائے

منتخب