0
Sunday 6 Oct 2019 15:55

کراچی کے تین ماڈل تھانوں کیلئے پانچ کروڑ روپے سے زائد کا بجٹ منظور

کراچی کے تین ماڈل تھانوں کیلئے پانچ کروڑ روپے سے زائد کا بجٹ منظور
اسلام ٹائمز۔ وزیراعلیٰ سندھ سید مراد علی شاہ نے کراچی کے تین ماڈل تھانوں کیلئے پانچ کروڑ روپے سے زائد کے بجٹ کی منظوری دے دی ہے۔ ایڈیشنل آئی جی کراچی غلام نبی میمن کے مطابق بجٹ کی سمری گزشتہ ہفتے سے منظوری کے لیے بھیجی گئی تھی، ایڈیشنل آئی جی کراچی کا کہنا ہے کہ کراچی میں ایک تھانے کو دوسرے میں ضم کرکے قائم کیے گئے تین ماڈل تھانے آزمائشی بنیادوں پر کام شروع کر چُکے ہیں۔ کراچی ساؤتھ کے بوٹ بیسن تھانے کو کلفٹن پولیس اسٹیشن میں ضم کرکے کلفٹن ماڈل تھانہ بنایا گیا ہے، جس کا سالانہ بجٹ ایک کروڑ 80 لاکھ روپے منظور کیا گیا ہے۔ اسی طرح ضلع شرقی کے بہادر آباد تھانے کو فیروزآباد میں ضم کرکے ماڈل تھانہ بنایا گیا ہے، جس کا ایک سال کا بجٹ ایک کروڑ 70 لاکھ روپے مختص کیا گیا ہے۔ کراچی کے ویسٹ زون کے سُپر مارکیٹ تھانے کو لیاقت آباد میں ضم کرکے ماڈل تھانہ بنایا گیا ہے، جس کیلئے وزیراعلیٰ سندھ نے ایک کروڑ 52 لاکھ روپے کا سالانہ بجٹ منظور کیا ہے۔

ایڈیشنل آئی جی کراچی غلام نبی میمن کے مطابق تینوں تھانوں میں اچھی کارکردگی کے حامل پولیس افسران کو بطور ایس ایچ او تعینات کیا گیا ہے، اِن تھانوں میں دیگر نفری کی تقرری کیلئے بھی سوچ بچار کی گئی۔ پولیس کو کرپشن سے پاک کرنے کیلئے ماڈل تھانوں میں ہر ضرورت کیلئے فنڈ فراہم کیا جا رہا ہے۔ اِن تھانوں میں تعینات ایس ایچ اوز کی تنخواہ ڈبل کی گئی ہے اور تھانے کے امور چلانے، سرکاری کاموں کیلئے آنے جانے، دفتر میں مہمانوں کے لیے چائے پانی، اسٹیشنری اور دیگر امور کیلئے بھی فنڈز دیے گئے ہیں۔ ایڈیشنل آئی جی کراچی غلام نبی میمن نے توقع ظاہر کی ہے کہ اُن کی اِس کاوش سے پہلے مرحلے میں کرپشن کم کرنے دوسرے مرحلے میں پولیس کو بین الاقوامی اسٹینڈرڈ کے مطابق بنانے میں مدد ملے گی۔
خبر کا کوڈ : 820473
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش