QR CodeQR Code

امریکی جارحیت کے خاتمے کے بغیر امن قائم نہیں ہوسکتا، طالبان

7 Oct 2019 15:29

اعلامیے میں کہا گیا ہے کہ طالبان وفد نے پاکستانی دارالحکومت میں امریکی نمائندہ خصوصی برائے افغان امن زلمے خلیل زاد سے ملاقات کی، پاکستان سمیت پڑوسی ممالک سے بہتر تعلقات چاہتے ہیں۔


اسلام ٹائمز۔ افغانستان میں امریکہ کیخلاف جنگ کرنیوالے طالبان نے کہا ہے کہ دنیا جان چکی ہے کہ افغان جنگ کی بنیادی وجہ امریکی جارحیت ہے، اس جارحیت کے خاتمے سے ہی امن قائم ہو سکتا ہے۔ طالبان کی طرف سے جاری اعلامیہ کے مطابق قطر دفتر کے سربراہ ملا عبدالغنی برادر کی سربراہی میں وفد نے قطر سے پاکستان کا سفر کیا، پاکستان کے وزیر خارجہ شاہ محمود قریشی اور دیگر اعلیٰ حکام نے وفد کا استقبال کیا، دونوں نے اس بات پر اتفاق کیا کہ افغان تنازع کا فوجی حل ممکن نہیں ہے، لہذا وہاں جنگ ختم اور امن قائم ہونا چاہیے۔ طالبان نے اس بات کی تصدیق کی ہے کہ ان کے وفد نے پاکستانی دارالحکومت میں امریکی نمائندہ خصوصی برائے افغان امن زلمے خلیل زاد سے بھی ملاقات کی۔ افغان طالبان کی جانب سے جاری بیان میں مزید کہا گیا ہے کہ پاکستان سمیت پڑوسی ممالک سے بہتر تعلقات چاہتے ہیں۔


خبر کا کوڈ: 820614

خبر کا ایڈریس :
https://www.islamtimes.org/ur/news/820614/امریکی-جارحیت-کے-خاتمے-بغیر-امن-قائم-نہیں-ہوسکتا-طالبان

اسلام ٹائمز
  https://www.islamtimes.org