QR Code

عمران خان کا اہم وزیر ملک کے اندر اور باہر وزیراعظم بننے کے لیے لابنگ کر رہا ہے، حافظ حمد اللہ

8 Oct 2019 00:31

نجی ٹی وی سے گفتگو کرتے ہوئے جے یو آئی رہنماء نے کہا کہ جمعیت اپنی منصوبہ بندی ظاہر نہیں کرے گی، سب سے پہلے احتجاجی قافلے اسلام آباد پہنچیں گے اور اگلی حکمت عملی بعد میں بتائی جائے گی۔

اسلام ٹائمز۔ جمیعت علمائے اسلام (ف) کے رہنما حافظ حمد اللہ نے دعویٰ کیا ہے کہ عمران خان کا اہم وزیر ملک کے اندر اور باہر وزیراعظم بننے کے لیے لابنگ کر رہا ہے۔ نجی ٹی وی کو دیے گئے ایک انٹرویو میں انہوں نے کہا کہ وزیرخارجہ شاہ محمود قریشی عمران خان کی جگہ لینے کے لیے کوششیں کر رہے ہیں۔ انہوں نے کہا کہ عمران خان سمجھ رہے ہیں کہ جے یو آئی با زور  استعفے کا مطالبہ کرے گی، لیکن ان کو اپنے وزیرکا علم ہی نہیں۔ ایک سوال کے جواب میں حافظ حمد اللہ نے کہا کہ جے یو آئی اپنی منصوبہ بندی ظاہر نہیں کرے گی، سب سے پہلے احتجاجی قافلے اسلام آباد پہنچیں گے اور اگلی حکمت عملی بعد میں بتائی جائے گی۔ ان کا کہنا تھا کہ ماضی اور آج کے دھرنے میں بہت فرق ہے، جے یو آئی بجلی کے بل پھاڑنے کا اعلان نہیں کرے گی، لوگوں کو سول نافرمانی پر بھی نہیں اکسائے گی۔
 

خبر کا کوڈ: 820701