QR Code

مقبوضہ کشمیر میں بھارتی مظالم کا خواتین پر گہرا اثر ہوا، ملیحہ لودھی

8 Oct 2019 11:43

اقوام متحدہ کی ‎جنرل اسمبلی کی انسانی حقوق کی کمیٹی میں خواتین کے حقوق پر مباحثے سے پاکستان کی مستقل مندوب خطاب کرتے ہوئے کہا کہ ‎قابض افواج ماؤں کے سامنے ان کے بچے اٹھا کر لے جاتی ہیں جن میں سے بہت سوں کا پھر کوئی سراغ ہی نہیں ملتا۔

اسلام ٹائمز۔اقوام متحدہ میں پاکستان کی مستقل مندوب ملیحہ لودھی کہتی ہیں کہ مقبوضہ کشمیر میں جاری بھارتی بربریت اور انسانیت سوز مظالم نے خواتین پر گہرے اثرات مرتب کیے ہیں۔ اقوام متحدہ کی ‎جنرل اسمبلی کی انسانی حقوق کی کمیٹی میں خواتین کے حقوق پر مباحثے سے پاکستان کی مستقل مندوب ملیحہ لودھی نے خطاب کیا۔ انہوں نے کہا کہ ‎عالمی برادری کو مقبوضہ علاقوں بالخصوص کشمیر میں ظلم اور جبر کا سامنا کرتی خواتین کے حق میں آواز اٹھانا ہو گی۔ ملیحہ لودھی کا کہنا ہے کہ ‎بھارت کے جابرانہ ہتھکنڈوں نے مقبوضہ کشمیر میں محصور خواتین کی زندگی مزید اجیرن کر دی ہے۔ انہوں نے کہا کہ ‎قابض افواج ماؤں کے سامنے ان کے بچے اٹھا کر لے جاتی ہیں جن میں سے بہت سوں کا پھر کوئی سراغ ہی نہیں ملتا۔پاکستانی مندوب نے مزید کہا کہ نیو یارک ٹائمز کے صفحہ اوّل پر شائع ہونے والی ایک کشمیری ماں کی بے بسی کی تصویر بھارتی مظالم سے پردہ چاک کر رہی ہے۔ ملیحہ لودھی نے یہ بھی کہا کہ ‎پاکستان نے ہمیشہ حقوقِ نسواں کی حمایت کی ہے، ایسا کرنا ہمارے مذہب، آئین اور نظریے کا حصہ ہے۔

خبر کا کوڈ: 820752