سیاست چھوڑی ماڈل ٹاؤن کے قاتلوں کا پیچھا نہیں چھوڑا، طاہرالقادری

اسلام ٹائمز۔ پاکستان عوامی تحریک کے سربراہ ڈاکٹر طاہرالقادری کا کہنا ہے کہ سیاست چھوڑی ماڈل ٹاؤن کے قاتلوں کا پیچھا نہیں چھوڑا، ریاست نے مظلوموں کے سر پر ہاتھ رکھنے کی بجائے طاقتوروں کا ساتھ دیا۔ عوامی تحریک وکلاء کے اجلاس سے ویڈیو لنک پر خطاب کرتے ہوئے ڈاکٹر طاہرالقادری کا کہنا تھا کہ قانون کی بڑی بڑی آنکھیں ہیں، چہرے دیکھ کر حرکت میں آتا ہے، اس وقت شہداء کا مقدمہ ہائیکورٹ، سپریم کورٹ میں ہے، احتجاج کس کیخلاف کریں؟ انہوں نے کہا کہ ریاست مدینہ میں انصاف سب کے لیے اور خون کا بدلہ خون تھا- انہوں نے کہا کہ قاتلوں نے معافی تلافی کے لیے بہت پاپڑ بیلے، شہداء کا خون ہم پر قرض ہے- سفارشیوں پر واضح کیا بیٹوں کا خون معاف کرنے کا اختیار تھا کارکنوں کا نہیں- ڈاکٹر طاہرالقادری کا کہنا تھا کہ انصاف مانگنا ایمان کا حصہ، قاتلوں کا پیچھا آخرت میں بھی نہیں چھوڑیں گے۔ انہوں نے الزام عائد کیا کہ ازسرنو تفتیش کیلئے سپریم کورٹ کے احکامات ریورس کر دئیے گئے ہیں۔