0
Thursday 10 Oct 2019 12:56

کراچی، رہنما پیپلز پارٹی تاج حیدر کے گھر 3 ماہ میں چوری کی تیسری واردات

کراچی، رہنما پیپلز پارٹی تاج حیدر کے گھر 3 ماہ میں چوری کی تیسری واردات
اسلام ٹائمز۔ پاکستان پیپلز پارٹی کے سینئر رہنما تاج حیدر کے گھر 3 ماہ میں تیسری بار چوری کی واردات ہوئی ہے۔ تفصیلات کے مطابق 3 ماہ میں مسلسل تیسری بار ہونے والی چوری کی اس واردات میں ملزمان فلیٹ کے تالے توڑ کر گھر میں موجود نقدی اور زیورات لے اڑے، جبکہ حیران کن طور پر تینوں بار چوری کی یہ واردات 9 تاریخ کو ہی ہوئی۔ تاج حیدر کا کہنا ہے کہ وہ اجلاس سے واپس آئے، تو گھر کا تالا کٹا ہوا تھا اور سامان بکھرا پڑا تھا، الماریاں وغیرہ بھی کھلی پڑی تھیں، پچھلی بار بھی چوری کی دونوں وارداتیں 9 تاریخ کو ہوئی تھیں اور اس بار بھی 9 کو ہی ہوئی، جبکہ پولیس کو مطلع کر دیا گیا ہے، لیکن پولیس ملزمان کو گرفتار کرنے میں تاحال ناکام رہی ہے۔ دوسری جانب گزری پولیس نے تاج حیدر کی مدعیت میں چوری کا مقدمہ الزام نمبر 460/2019 نامعلوم ملزمان کے خلاف درج کر لیا۔
خبر کا کوڈ : 821250
رائے ارسال کرنا
آپ کا نام

آپکا ایمیل ایڈریس
آپکی رائے