اسلام ٹائمز۔ سکردو میں گلیشئر گرافٹنگ منصوبے کا افتتاح کر دیا گیا، بلتستان یونیورسٹی، یو این ڈی پی اور کواردو کے عوام کے باہمی اشتراک سے منصوبہ شروع کیا گیا ہے، منصوبے کے تحت بلتستان کے مختلف اضلاع میں گلیشئر کی گرافٹنگ کا عمل شروع کیا جائے گا اور اس سلسلے میں بلتستان یونیورسٹی سے معاونت لی جائے گی۔ منصوبے کی افتتاحی تقریب سکردو میں ہوئی جس میں صوبائی وزیر اقبال حسن، یو این ڈی پی کے چیف عبدالوقاص اور کواردو کے عمائدین کی کثیر تعداد نے شرکت کی۔