0
Monday 14 Oct 2019 15:45

کراچی میں اسٹریٹ کرائمز پر صوبائی وزیر ناصر شاہ کی انوکھی منطق

کراچی میں اسٹریٹ کرائمز پر صوبائی وزیر ناصر شاہ کی انوکھی منطق
اسلام ٹائمز۔ سندھ وزیر بلدیات سید ناصر حسین شاہ نے بڑھتے اسٹریٹ کرائمز پرحکومتی ناکامی تسلیم کرنے کے بجائے انوکھی منطق پیش کردی۔ سکھر میں میڈیا سے گفتگو کرتے ہوئے ناصر شاہ نے کہا کہ اسٹریٹ کرائم بڑھنے کی وجہ بدحالی ہے لوگوں کو کھانے کے لئے کچھ نہیں ہوگا وہ کیا کریں گے۔ انہوں نے کہا کہ پیپلز پارٹی فضل الرحمٰن کے دھرنے کی حمایت کررہی ہے وہ بہت اچھا کام کرنے جارہے ہیں، پیپلز پارٹی پرامن دھرنے اور مارچ کی سپورٹ کرے گی، سندھ میں ان کے مارچ میں کوئی رکاوٹ نہیں ڈالیں گے۔ 

انہوں نے کہا کہ کراچی میں ہم کچرے کے پیچھے لگے ہوئے ہیں لیکن اصل کام ڈی ایم سیز کا ہے، حکومت کو بھی اپنی ذمہ داری کا احساس ہے اور ہم کوشش کررہے ہیں، امن امان کے حوالے سے پہلے حالات بہتر نہیں تھے اب بہتر ہیں۔ واضح رہے کہ چند روز قبل آئی جی سندھ کلیم امام نے بھی اعتراف کیا تھا کہ ان کے اہلخانہ بھی کراچی میں اسٹریٹ کرمنلز کے ہاتھوں لُٹ چکے ہیں۔
 
خبر کا کوڈ : 821949
رائے ارسال کرنا
آپ کا نام

آپکا ایمیل ایڈریس
آپکی رائے