0
Tuesday 15 Oct 2019 23:34

ایم ڈبلیو ایم خیبر پختونخوا کے وفد کی صوبائی وزیر عاطف خان سے ملاقات

ایم ڈبلیو ایم خیبر پختونخوا کے وفد کی صوبائی وزیر عاطف خان سے ملاقات
اسلام ٹائمز۔ مجلس وحدت مسلمین خیبر پختونخوا کے وفد نے سنیئر صوبائی وزیر عاطف خان سے ملاقات کی۔ ملاقات میں ضلع ہنگو کے جلوس پر ایف ائی آر کے اندراج، کوہاٹ کے ڈی اے مسجد پر پابندی، علاقے کی معزز شخصیات کو فورتھ شیڈول میں ڈالنے، کوٹلی امام حسین علیہ السلام ڈیرہ اسماعیل خان کی زمین سے متعلق وزیراعلیٰ محمود خان کے وعدہ، مسئلہ بالشخیل پاراچنار اور ہری پور کے مسائل پر گفتگو کی گئی۔ مجلس وحدت مسلمین کے وفد میں صوبائی ڈپٹی سیکرٹری جنرل مولانا جہانزیب جعفری، مولانا سید عبدالحسین الحسینی، مولانا مرتضی عابدی، ارشاد حسین بنگش اور نئیر جعفری شامل تھے۔ اس موقع پر صوبائی وزیر عاطف خان نے جلوس اور مجالس کے مسائل متعلقہ ذمہ داروں کی وساطت سے حل کروانے کا وعدہ کیا۔ انہوں نے متعلقہ حکام سے دوبارہ مٹینگ کرانے کا حکم نامہ جاری کرتے ہوئے کہا کہ ہم متعلقہ حکام سے آپ کی دوبارہ مٹینگ بلا کر آپ کے مسائل کا حل نکالیں گے، سنیئر صوبائی وزیر نے وفد کو اطمینان دلایا کہ ہم حتی الوسع کوشش کرینگے کہ آپ کے مسائل کا ترجیحی بنیادوں پر بہتر سے بہتر حل نکالا جائے۔
خبر کا کوڈ : 822259
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش