0
Wednesday 16 Oct 2019 22:06

تاجروں اور ڈاکٹروں کی بات سننے والے جنرل باجوہ کشمیری ماؤں بہنوں کی پکار کب سنیں گے؟۔ سراج الحق کا سوال

تاجروں اور ڈاکٹروں کی بات سننے والے جنرل باجوہ کشمیری ماؤں بہنوں کی پکار کب سنیں گے؟۔ سراج الحق کا سوال
اسلام ٹائمز۔ اسلام آباد میں جماعت اسلامی شمالی پنجاب کے زیراہتمام کشمیری خواتین اور محصور مظلومین کیساتھ اظہار یکجہتی کیلئے احتجاجی مارچ ہوا۔ آزادی کشمیر خواتین مارچ سے جماعت اسلامی کے امیر سینیٹر سراج الحق نے خطاب کرتے ہوئے کہا کہ جنرل پرویز مشرف نے تحریک آزادی کشمیر کو ناقابل تلافی نقصان پہنچایا، اسکے باوجود بھی آج کشمیر کا بچہ، بوڑھا، جوان اور خواتین پاکستان کے ساتھ ہیں۔ انہوں نے کہا کہ ایک کروڑ نوکریوں اور پچاس لاکھ گھر دینے کے وعدوں سے مکر کر حکومت نے جھوٹے اور ناقابل اعتبار ہونے کا ثبوت دیا ہے، سبز پاسپورٹ کی کوئی عزت نہیں رہی، بے روزگاری، مہنگائی، ڈینگی اور روپے کی قدر میں کمی کے بعد حکمران کہتے ہیں، آپ نے گھبرانا نہیں۔ انہوں نے کہا کہ آرمی چیف تاجروں اور ڈاکٹروں کی بات سنتے ہیں، کشمیری ماؤں بہنوں کی پکار کب سنیں گے، جنرل باجوہ صاحب! ہم آپ سے عملی اقدام کی توقع رکھتے ہیں۔ جماعت اسلامی کے سیکرٹری جنرل امیرالعظیم، امیر جماعت اسلامی آزاد کشمیر ڈاکٹر خالد محمود، امیر جماعت اسلامی شمالی پنجاب ڈاکٹر طارق سلیم اور میاں محمد اسلم نے بھی خواتین آزادی کشمیر مارچ سے خطاب کیا۔
 
خبر کا کوڈ : 822486
رائے ارسال کرنا
آپ کا نام

آپکا ایمیل ایڈریس
آپکی رائے

منتخب