ڈاکٹر معید یوسف اسٹریٹیجک پالیسی پلاننگ سیل کے چیئرمین مقرر

اسلام ٹائمز۔ معروف مصنف اور ماہر بین الاقوامی امور ڈاکٹر معید یوسف نے اسٹریٹیجک پالیسی پلاننگ سیل کے چیئرمین کا عہدہ سنبھال لیا ہے، ان کی تقرری پچھلے ماہ عمل میں لائی گئی تھی۔ ذرائع کا کہنا ہے کہ اس سیل کے قیام کا مقصد حکومت کی معاونت کیلئے، تحقیق کو بروئے کار لا کر اہم قومی امور اور ملک کو درپیش چیلنجز سے نمٹنے کیلئے پالیسی تجاویز مرتب کرنا ہے۔ سیل کے چیئرمین کی حیثیت سے ڈاکٹر معید یوسف قومی سلامتی کمیٹی کے رکن بھی ہونگے۔