0
Sunday 20 Oct 2019 22:15

قیام پاکستان کے مخالفین کی اولادیں استحکام کے حصول میں روڑے اٹکا رہی ہیں، فردوس عاشق اعوان

قیام پاکستان کے مخالفین کی اولادیں استحکام کے حصول میں روڑے اٹکا رہی ہیں، فردوس عاشق اعوان
اسلام ٹائمز۔ معاون خصوصی برائے اطلاعات و نشریات ڈاکٹر فرودس عاشق اعوان کا کہنا ہے کہ قیام پاکستان کی مخالفت کرنے والوں کی اولادیں استحکام پاکستان کی منزل کے حصول میں روڑے اٹکا رہی ہیں۔ اپنی ٹوئیٹ میں ڈاکٹر فردوس عاشق اعوان نے کہا کہ پاکستان کو بلیک لسٹ کروانے کے بھارتی مذموم عزائم خاک میں مل گئے، ایف اے ٹی ایف کی منی لانڈرنگ اور دہشت گردی کے خاتمے کیلئے موجودہ حکومت کے اقدامات کی تعریف ہماری مخلصانہ کاوشوں کا اعتراف ہے، پاکستان اس ضمن میں مزید مزید اقدامات کرنے کیلئے پرعزم ہے۔ معاون خصوصی کا کہنا تھا کہ بھارت پاکستان کو بلیک لسٹ کروانے کے لئے کوشاں تھا تو دوسری جانب وزیراعظم عمران اپنی مخلصانہ کاوشوں سے پاکستان کا حقیقی مثبت شخص دنیا کے سامنے لا رہے ہیں، اس لمحے قیام پاکستان کی مخالفت کرنے والوں کی اولادیں استحکام پاکستان کی منزل کے حصول میں روڑے اٹکا رہی ہیں۔ فردوس عاشق اعوان نے کہا کہ پاکستان ایف اے ٹی ایف کی گرے لسٹ میں ہے، اگلے چند ماہ نہایت اہم ہیں، ایسی صورتحال میں مولانا فضل الرحمان ملیشیا اور جتھوں کے ساتھ دہشت کی علامت بن کر ملک و قوم کے تشخص اور وقار کو کیوں مجروح کرنا چاہتے ہیں۔
 
خبر کا کوڈ : 823116
رائے ارسال کرنا
آپ کا نام

آپکا ایمیل ایڈریس
آپکی رائے

منتخب