اسلام ٹائمز۔ کوئٹہ کے علاقے سپنی روڈ پر پولیس وین کے قریب دھماکے میں اہلکاروں سمیت 5 افراد کے زخمی ہونے کی اطلاعات ہیں۔ پولیس ذرائع کے مطابق دہشگردوں نے دھماکا خیز مواد موٹر سائیکل میں نصب کیا تھا، دھماکے میں پولیس وین کو نشانہ بنایا گیا۔ دہشتگردی واقعے کی اطلاع ملتے ہی قانون نافذ کرنے والے ادارے حرکت میں آئے اور فوری طور پر موقع پر پہنچے۔ امدادی ٹیموں نے ایمبیولینسوں کے ذریعے زخمیوں کو ہسپتال منتقل کیا، جبکہ سکیورٹی فورسز نے علاقے کو گھیرے میں لے کر تحقیقات شروع کر دی ہیں۔