0
Wednesday 23 Oct 2019 18:59

آمدن سے زائد اثاثہ جات کیس، اکرم درانی کی عبوری ضمانت منظور

آمدن سے زائد اثاثہ جات کیس، اکرم درانی کی عبوری ضمانت منظور
اسلام ٹائمز۔ جے یو آئی (ف) رہنماء اکرم درانی کی آمدن سے زائد اثاثہ جات کیس میں 4 نومبر تک عبوری ضمانت منظور کر لی گئی۔ اسلام آباد ہائی کورٹ نے 5 لاکھ روپے کے مچلکے جمع کرانے کی ہدایت کر دی۔ بدھ کو اکرم درانی کی جانب سے آمدن سے زائد اثاثہ جات کیس میں دائر درخواست ضمانت پر سماعت چیف جسٹس اسلام آباد ہائی کورٹ کی سربراہی میں 2 رکنی بینچ نے کی۔ عدالت عالیہ نے اکرم درانی کی استدعا پر 4 نومبر تک عبوری ضمانت منظور کرتے ہوئے 5 لاکھ روپے کے مچلکے جمع کرانے کی ہدایت کر دی۔ عدالت نے نیب کو نوٹس جاری کرتے ہوئے شق وار جواب جمع کرانے کی ہدایت بھی کی ہے۔ نیب اکرم درانی کے خلاف آمدن سے زائد اثاثوں کی انکوائری کر رہا ہے۔ سابق وزیر ہاؤسنگ کیخلاف فیڈرل گورنمنٹ ایمپلائیز ہاؤسنگ فاؤنڈیشن کے 2 رہائشی منصوبوں میں مبینہ کرپشن کی انکوائری بھی جاری ہے۔
خبر کا کوڈ : 823667
رائے ارسال کرنا
آپ کا نام

آپکا ایمیل ایڈریس
آپکی رائے

منتخب