اسلام ٹائمز۔ وزیراعظم عمران خان کا کہنا ہے کہ سیاسی اختلاف ایک طرف، میری دعائیں مکمل طور پر نواز شریف کے ساتھ ہیں۔ سماجی رابطے کی سائٹ پر ٹوئٹ میں وزیراعظم عمران خان کا کہنا تھا کہ سیاسی اختلاف اپنی جگہ لیکن نواز شریف کی صحت کے لیے دل سے دعا گو ہوں، تمام متعلقہ اداروں کو نوازشریف کو بہترین طبی سہولیات کی فراہمی کی ہدایت کردی ہے۔ عمران خان نے وزراء کو نواز شریف کی بیماری سے متعلق بیان بازی سے بھی روک دیا۔