ملکی زرمبادلہ کے ذخائر میں 4 کروڑ 39 لاکھ ڈالرز اضافہ

اسلام ٹائمز۔ گزشتہ ہفتے کے دوران ملکی زرمبادلہ کے ذخائر میں 4 کروڑ 39 لاکھ ڈالرز کا اضافہ ہوا۔ مرکزی بینک کے مطابق 18 اکتوبر کو ختم ہونے والے ہفتے پر ملکی زرمبادلہ کے مجموعی ذخائر 15 ارب 18 کروڑ 65 لاکھ ڈالرز کی سطح پر رہے، اس دوران مرکزی بینک کے ذخائر 7 کروڑ 90 لاکھ ڈالرز اضافے سے 7 ارب 89 کروڑ 27 لاکھ ڈالرز، جبکہ کمرشل بینکوں کے ذخائر 3 کروڑ 51 لاکھ ڈالرز کمی سے 7 ارب 29 کروڑ 38 لاکھ ڈالرز کی سطح پر ریکارڈ کئے گئے۔