QR Code

امریکہ کا شام میں ابوبکر البغدادی کو نشانہ بنانے کا دعویٰ

27 Oct 2019 11:24

روسی میڈیا نے پینٹاگون کے حوالے سے دعویٰ کیا ہے کہ ابو بکر البغدادی کو ڈونلڈ ٹرمپ کی منظوری کے بعد ادلب میں سپیشل فورسز نے آپریشن کے دوران ہلاک کیا۔

اسلام ٹائمز۔ امریکی حکام نے دعویٰ کیا ہے کہ داعش کے سربراہ ابوبکر البغدادی امریکی حملے میں ہلاک ہو گئے۔ روسی میڈیا نے سینئر پینٹاگون عہدیدار کے حوالے سے دعویٰ کیا ہے کہ ابو بکر البغدادی کو شام کے علاقے ادلب میں خفیہ آپریشن کے دوران ہلاک کیا گیا۔ پینٹاگون ذرائع کے مطابق امریکی اسپیشل فورسز نے صدر ڈونلڈ ٹرمپ کی منظوری کے بعد ادلب میں آپریشن کیا۔ ذرائع کا مزید کہنا ہے کہ پر اعتماد ہیں کہ آپریشن میں ٹارگٹ کیا گیا گیا بڑا ہدف البغدادی ہی تھا۔ امریکی صدر ڈونلڈ ٹرمپ نے بھی اپنے بیان میں کہا ہے کہ کچھ دیر پہلے بہت بڑا واقعہ پیش آیا ہے۔ دوسری جانب امریکی خبر رساں ادارے نیوز ویک کا کہنا ہے کہ آپریشن میں البغدادی کی ہلاکت کی تصدیق ابھی جاری ہے۔ خیال رہے کہ داعش کے سربراہ ابوبکرالبغدادی کو دنیا کا مطلوب ترین دہشت گردی قرار دیا گیا جس کے سر کی قیمت 25 ملین ڈالر رکھی گئی تھی اور پہلے بھی کئی بار ابوبکر البغدادی کی ہلاکت کی خبریں سامنے آ چکی ہیں۔

خبر کا کوڈ: 824193