جی بی کیلئے پی آئی اے کرایوں پر سبسڈی دینے کا اعلان

اسلام ٹائمز۔ وفاقی وزیر امور کشمیر و گلگت بلتستان علی امین گنڈا پور نے جی بی کیلئے پی آئی اے کرایوں پر سبسڈی دینے کا اعلان کر دیا۔ جمعرات کے روز گلگت میں تنظیم اہلسنت کے امیر قاضی نثار احمد سے ملاقات کے دوران گفتگو کرتے ہوئے گنڈاپور کا کہنا تھا کہ وفاقی حکومت جی بی کیلئے فضائی کرایوں پر سبسڈی دیگی جس کے بعد فضائی کرایے پانچ سے چھ ہزار تک کم ہوں گے۔ انہوں نے کہا کہ جی بی میں میڈیکل کالج، انجینئرنگ یونیورسٹی کا قیام عمل میں لایا جائے گا، جی بی کی حکومت کو دیگر صوبوں کے برابر اختیارات حاصل ہیں، اس کے بائوجود حکومت کام نہیں کر رہی تو یہ ان کی نااہلی ہے۔