QR Code

مسلم ممالک میں حکومت گراﺅ مہم کے پیچھے اسلام دشمن ہاتھ ہیں، ثروت اعجاز قادری

1 Nov 2019 20:42

کارکنوں سے خطاب کرتے ہوئے پاکستان سنی تحریک کے سربراہ نے کہا کہ دہشتگردی کا عنصر موجود ہے، حکومت عید میلادالنبیﷺ کے جلسے، جلوس اور ریلیوں کو فول پروف سیکیورٹی فراہم کرے۔

اسلام ٹائمز۔ پاکستان سنی تحریک کے سربراہ محمد ثروت اعجاز قادری نے کہا ہے کہ ملک کی سلامتی کو ہر حال میں ملحوظ خاص رکھا جائے، ایسے معاملات سے گریز کیا جائے، جس سے جمہوریت کی بساط لپٹنے کا خدشہ ہو، پُرامن احتجاج ہر محب وطن کا حق ہے، مگر کسی کو ملک کو کمزور کرنے کی اجازت نہیں دینگے، اسلامی ممالک میں حکمرانوں کے خلاف حکومت گراﺅ مہم کے پیچھے اسلام دشمن ہاتھ ہیں، ان خیالات کا اظہار انہوں نے اسلام آباد سے کراچی واپسی پر کارکنوں سے خطاب کرتے ہوئے کیا۔ ثروت اعجاز قادری کا کہنا تھا کہ دہشتگردی کا عنصر موجود ہے، حکومت عید میلادالنبیﷺ کے جلسے، جلوس اور ریلیوں کو فول پروف سیکیورٹی فراہم کرے، نبی کریمﷺ کے اسوہ حسنہ سے دنیا میں امن و سلامتی کو فروغ ملے گا، یہودونصاریٰ اسلام دشمنی پر گامزن ہیں۔ انہوں نے کہا کہ کارکنان و ذمہ داران عید میلادالنبیﷺ کے پروگرامات کے حوالے سے قانون نافذ کرنیوالے اداروں سے مکمل تعاون کریں، حکومت نظام مصطفیٰ (ص) کے نفاذ کو ہر حال میں یقینی بنائے۔

خبر کا کوڈ: 825091