اسلام ٹائمز۔ مسلم لیگ (ن) مولانا فضل الرحمٰن کے آزادی مارچ میں شرکت کرے گی یا نہیں، فیصلہ رہبر کمیٹی اور اے پی سی سے مشروط کردیا گیا۔ مسلم لیگ (ن) کے جنرل سیکرٹری احسن اقبال نے واضح الفاظ میں کہہ دیا کہ اگر احتجاج پُرتشدد ہوا تو اس میں شریک نہیں ہوں گے۔ احسن اقبال نے کہا کہ پرتشدد احتجاج کی حمایت نہیں کریں گے، آزادی مارچ کا ذمہ دار عمران خان کو سمجھتے ہیں، پاکستان کو ہٹلر اور موسیلنی کا ملک بنایا جا رہا ہے۔ احسن اقبال نے مزید کہا کہ شہباز شریف نے اے پی سی میں شرکت کرنا تھی لیکن پارٹی اجلاس کے باعث شرکت نہ کر سکے۔