QR Code

انشاء اللہ مولانا جارہا ہے، حکومت اپنے پانچ سال پورے کرے گی، شیخ رشید

5 Nov 2019 15:38

ٹوئٹر پر جاری ویڈیو بیان میں وزیر ریلوے شیخ رشید احمد نے کہا کہ خوشی ہے موجودہ حکومت نے بڑی دانشمندی سے اس مسئلے کو ہینڈل کیا۔

اسلام ٹائمز۔ وزیر ریلوے شیخ رشید احمد نے دعویٰ کیا ہے کہ مولانا فضل الرحمان کا دھرنا ختم ہورہا ہے اور ایک دو روز میں مسئلے حل ہوجائیں گے۔ ٹوئٹر پر جاری ویڈیو بیان میں وزیر ریلوے شیخ رشید احمد نے کہا کہ خوشی ہے موجودہ حکومت نے بڑی دانشمندی سے اس مسئلے کو ہینڈل کیا۔ آزادی مارچ کے حوالے سے انہوں نے دعویٰ کیا کہ مولانا جارہا ہے، ایک دو روز میں مسئلے حل ہوجائیں گے۔ وزیر ریلوے کا کہنا تھا کہ سیاسی جماعتیں سیاسی طریقے سے اپنا حق منواتی ہیں نہ کہ محمود اچکزئی جیسے لوگوں کو ساتھ رکھ کے ایسا تاثر دینا چاہتی ہیں کہ جیسے ملک کے خلاف کوئی ایک انتشار یا خلفشار کا ماحول ہو۔ شیخ رشید نے ایک بار پھر یہ بات دہرائی کہ انشااللہ مولانا جارہا ہے، اسلام آباد پرسکون ہوگا اور حکومت اپنے پانچ سال پورے کرے گی۔ واضح رہےکہ جمعیت علمائے اسلام (ف) نے 27 اکتوبر سے اسلام آباد میں پڑاؤ ڈال رکھا ہے اور اس دوران اپوزیشن اور حکومت کی رہبر کمیٹی کے درمیان مذاکرات بھی ہوئے، جس میں مولانا فضل الرحمان نے وزیراعظم کے استعفے کا مطالبہ کررکھا ہے جب کہ وزیراعظم کا کہنا ہےکہ وہ کسی صورت استعفیٰ نہیں دیں گے۔
 

خبر کا کوڈ: 825721