اسلام ٹائمز - اسامہ بن لادن کے حملے میں 5 بھارتی ہلاک

شمالی ریاست آسام کے ایک گاؤں بولتار پر ایک بھپرے ہوئے ہاتھی نے دھاوا بول دیا اور کھیتوں کو تباہ کر دیا ہے۔ جب کسان اپنی فصلوں کو بچانے کے لیے آئے تو ہاتھی نے انہیں پاؤں تلے روند ڈالا جس سے 5 دیہاتیوں کی موت واقع ہوگئی۔ یہ ہاتھی پہلے بھی مختلف گاؤں پر حملہ کر چکا ہے جس کے بعد اسے اسامہ بن لادن کے نام سے پکارا جانے لگا تھا۔

اسلام ٹائمز۔ بھارت میں اسامہ بن لادن نامی ایک بپھرے ہوئے ہاتھی نے 5 دیہاتیوں کو پاؤں تلے روند کے ہلاک کر دیا ہے اور چاولوں کے کھیتوں کو تہس نہس کردیا۔ بھارتی میڈیا کے مطابق شمالی ریاست آسام کے ایک گاؤں بولتار پر ایک بھپرے ہوئے ہاتھی نے دھاوا بول دیا اور کھیتوں کو تباہ کر دیا ہے۔ جب کسان اپنی فصلوں کو بچانے کے لیے آئے تو ہاتھی نے انہیں پاؤں تلے روند ڈالا جس سے 5 دیہاتیوں کی موت واقع ہوگئی۔ یہ ہاتھی پہلے بھی مختلف گاؤں پر حملہ کر چکا ہے جس کے بعد اسے اسامہ بن لادن کے نام سے پکارا جانے لگا تھا اور پورے علاقے میں اس کی دہشت قائم ہو گئی تھی۔ کئی بار ہاتھی کو مارنے کی کوشش کی گئی لیکن وہ ہر بار بچ نکلا۔ محمکہ جنگلات نے ’اسامہ بن لادن‘ نامی ہاتھی کو پکڑنے کیلیے ڈرونز اور محکمے کے پالتو ہاتھیوں کی مدد سے بڑے پیمانے پر تلاش شروع کر دیا ہے تاہم ہاتھی ایک دو بار نظر آنے کے بعد ریوڑ میں پناہ لے کر گھنے جنگل کے اندر داخل ہو گیا ہے۔ اسے بے ہوش کرکے آبادی سے باہر منتقل کرنے کا فیصلہ کیا گیا ہے۔ واضح رہے کہ اس سے قبل بھی ایک بغیر دانت والے ہاتھی نے اسی ریاست میں 70 افراد کو موت کے گھاٹ اتار دیا تھا جس پر مشتعل دیہاتیوں نے ہاتھی کو گھیر کر بجلی کے جھٹکے دے کر مار ڈالا تھا۔