QR Code

برکینا فاسو، کینیڈا کے کان کنوں پر مسلح افراد کے حملے میں 37 افراد اور 60 سے زائد زخمی

7 Nov 2019 16:58

قطر کے نشریاتی ادارے الجزیرہ کی رپورٹ کے مطابق مقامی انتظامیہ کا کہنا تھا کہ یہ حملہ اس وقت کیا گیا جب مشرقی برکینا فاسو میں کینیڈا کے سونے کی کان کنی کی کمپنی سیماگو کے ملازمین کا قافلہ جارہا تھا۔

اسلام ٹائمز۔ مغربی افریقہ کے ملک برکینا فاسو میں کینیڈا کے کان کنوں کے قافلے پر مسلح افراد کے حملے میں 37 افراد اور 60 سے زائد زخمی ہوگئے۔ قطر کے نشریاتی ادارے الجزیرہ کی رپورٹ کے مطابق مقامی انتظامیہ کا کہنا تھا کہ یہ حملہ اس وقت کیا گیا جب مشرقی برکینا فاسو میں کینیڈا کے سونے کی کان کنی کی کمپنی سیماگو کے ملازمین کا قافلہ جارہا تھا۔ یہ حملہ حالیہ برسوں میں ہونے والے حملوں میں سب سے زیادہ خطرناک تھا کیونکہ برکینا فاسو کے مختلف علاقوں میں فوج تشدد کو کم کرنے کی کوشش میں مصروف ہے۔ یہی نہیں بلکہ سیمافو کی جانب سے بھی گزشتہ برس ملک میں اپنی 2 کانوں کے قریب ہونے والے مسلح حملوں کے بعد سے سیکیورٹی کو سخت کردیا تھا۔ قبل ازیں سیمافو کمپنی کی جانب سے کہا گیا تھا کہ فوجی پہرے کے ساتھ 5 بسوں پر مشتمل قافلہ مشرقی خطے میں بونگو کان کی جانب جارہا تھا کہ متعلقہ مقام سے 40 کلو میٹر پہلے ہی ان پر حملہ ہوا، جس میں کئی افراد ہلاک و زخمی ہوگئے۔ بعد زاں علاقے کے گورنر آفس کی جانب سے مزید تفیصل بتاتے ہوئے کہا کہ نامعلوم مسلح افراد نے سیمافو ورکرز کو لے جانے والے قافلے پر حملہ کیا، جس کے نتیجے میں 37 شہری ہلاک اور 60 سے زائد زخمی ہوگئے۔

خبر کا کوڈ: 826118