اسلام ٹائمز، رحیم یارخان کے علاقے لیاقت پور میں سانحہ تیزگام میں جاں بحق مسافروں کی لاشوں کو ڈی این اے ٹیسٹ کے بعد شناخت مکمل ہونے پر ورثاء کے حوالے کئے جانے کا سلسلہ جاری رہا۔ اب تک 42 لاشوں کو ڈی این اے کے ذریعے شناخت کرکے ورثاء کے حوالے کیا جا چکا ہے، ریلوے ذرائع کے مطابق گزشتہ روز ڈی این اے کے بعد 40 لاشوں کے ورثاء کی شناخت کرلی گئی۔مجموعی طور پر 60 لاشوں کا ڈی این اے کروایا جا رہا ہے، جن میں سے 40 لاشوں کا ڈی این اے ہوگیا ہے ان میں سے 42 کو ورثاء کے حوالے کر دیا گیا ہے، بچ جانے والی دو لاشوں کے ورثاء کی شناخت کیلئے دوبارہ ڈی این اے کیا جا رہا ہے۔