QR Code

ملک بھر سے لاپتہ افراد کی بازیابی کیلئے ملتان پریس کلب کے سامنے احتجاجی مظاہرہ 

17 Nov 2019 21:55

مظاہرین سے خطاب کرتے ہوئے رہنماؤں نے کہاکہ ہم اس ملک کے پرامن اور محب وطن شہری ہیں، ہمیں انصاف فراہم کیا جائے، یہاں حق مانگا نہیں جاتا چھینا جاتا ہے، کیا اب ہمارے ہی محافظ ہمارے لئے خطرہ ہیں، ہمارا فقط ایک ہی مطالبہ ہے آئین و قانون کی بالادستی اسیران کو عدالت میں پیش نہ کرنا توہین عدالت ہے۔ 

اسلام ٹائمز۔ جوائنٹ ایکشن کمیٹی فار شیعہ مسنگ پرسنز کے زیراہتمام خانوادگان اسیران ملت جعفریہ کی جانب سے جبری لاپتہ ہونے والے افراد کی بازیابی کے لئے ملتان پریس کلب کے سامنے احتجاجی مظاہرہ کیا گیا، احتجاجی مظاہرے کی قیادت امامیہ سٹوڈنٹس آرگنائزیشن ملتان کے صدر عاطف حسین، ڈاکٹر عباس، سید حامد حسین، وقاص حیدر، محبوب حسین، عبدالوہاب نے کی۔ رہنماؤں نے مظاہرین سے خطاب کرتے ہوئے کہاکہ ہم اس ملک کے پرامن اور محب وطن شہری ہیں ہمیں انصاف فراہم کیا جائے، یہاں حق مانگا نہیں جاتا چھینا جاتا ہے کیا اب ہمارے ہی محافظ ہمارے لئے خطرہ ہیں، ہمارا فقط ایک ہی مطالبہ ہے آئین و قانون کی بالادستی، اسیران کو عدالت میں پیش نہ کرنا توہین عدالت ہے، ریاستی اداروں کے پاس اگر ہمارے اسیران کے خلاف کوئی ثبوت ہے تو انہیں عدالت میں پیش کیوں نہیں کرتے؟ کیا ریاستی اداروں کو اپنی عدالتوں پر اعتماد نہیں؟ پرامن احتجاج میں بچوں اور جوانوں کی کثیر تعداد موجود تھی، جنہوں نے ہاتھوں میں پلے کارڈز اور پینا فلیکس اٹھائے ہوئے تھے اور اسیران کی بازیابی کیلئے نعرے بازی کررہے تھے۔
 

خبر کا کوڈ: 827859