QR Code

ریاستی سرپرسی میں بھارت کے اندر اقلیتوں کیخلاف نفرت انگیزی جاری ہے

مقبوضہ کشمیر میں امن قائم ہونیکا بھارتی بیان پاکستان نے مسترد کر دیا

دہشتگردی کیلئے پاکستان بھیجا گیا کلبھوشن یادیو بھارت کا اصلی چہرہ ہے

18 Nov 2019 10:08

دفتر خارجہ نے بھارتی وزیر خارجہ سبرامنیم جے شنکر کے فرانسیسی اخبار کو دیئے گئے انٹرویو کو مسترد کر دیا اور کہا ہے کہ انٹرویو میں بھارتی وزیر خارجہ سبرامنیم جے شنکر کی جانب سے مقبوضہ کشمیر میں صورتحال معمول پر آنے کا دعویٰ جھوٹ پر مبنی ہے، اگر وہاں امن قائم ہوگیا ہے تو مقبوضہ وادی میں معمول کی صورتحال دنیا کی نظروں سے کیوں اوجھل ہے؟

اسلام ٹائمز۔ پاکستان نے بھارت کی جانب سے مقبوضہ کشمیر میں صورتحال معمول پر آنے کے بیان کو گمراہ کن قرار دیتے ہوئے اسے مسترد کر دیا ہے۔ دفتر خارجہ نے بھارتی وزیر خارجہ سبرامنیم جے شنکر کے فرانسیسی اخبار کو دیئے گئے انٹرویو کو مسترد کر دیا اور کہا ہے کہ انٹرویو میں بھارتی وزیر خارجہ سبرامنیم جے شنکر کی جانب سے مقبوضہ کشمیر میں صورتحال معمول پر آنے کا دعویٰ جھوٹ پر مبنی ہے، اگر وہاں امن قائم ہوگیا ہے تو مقبوضہ وادی میں معمول کی صورتحال دنیا کی نظروں سے کیوں اوجھل ہے؟ ترجمان نے کہا کہ  دراصل بھارت جبر کے باوجود کشمیریوں کی آواز دبانے میں ناکام رہا ہے، بھارت میں ریاست کی سرپرستی میں اقلیتوں کے خلاف نفرت انگیزی جاری ہے۔ ترجمان ڈاکٹر فیصل نے پاکستان پر دہشت گردوں کی معاونت کے الزام پر کہا کہ فرانسیسی اخبار کو انٹرویو پاکستان کے خلاف پروپیگنڈے کا حصہ ہے، پاکستان بھارتی وزیر خارجہ کا بیان مسترد کرتا ہے، دہشت گردی کے لئے پاکستان بھیجا گیا کمانڈر کلبھوشن یادیو بھارت کا اصل چہرہ ہے، بھارت پاکستان مخالف جنون ختم کرکے حقیقت کا سامنا کرے۔
 

خبر کا کوڈ: 827868