اسلام ٹائمز۔ وزیراعظم عمران خان آئندہ ماہ 3 ممالک کا دورہ کریں گے۔ حکومتی ذرائع کے مطابق وزیراعظم عمران خان آئندہ ماہ 15 دسمبر سے 21 دسمبر تک تین غیرملکی دورے کریں گے۔ وزیراعظم 16 دسمبر کو دو روزہ دورے پر بحرین جائیں گے۔ وزیراعظم عمران خان 17 دسمبر کو دو روزہ دورے پر سوئٹزر لینڈ جائیں گے۔ وہ جنیوا میں پناہ گزینوں کے متعلق عالمی کانفرنس میں شریک ہوں گے جب کہ وہ 19 دسمبر کو 3 روزہ دورے پرملائشیا جائیں گے۔