Monday 25 Nov 2019 20:32

ناروے میں قرآن مجید کی توہین کرنے والے شخص کو پھانسی دی جائے، علامہ ناظر عباس تقوی

اسلام ٹائمز۔ شیعہ علماء کونسل پاکستان صوبہ سندھ کے صدر علامہ ناظر عباس تقوی کا صوبائی دفتر سے جاری بیان میں کہنا ہے کہ ہم ناروے میں قرآن مجید کی ہونے والی توہین کی شدید الفاظ میں مذمت کرتے ہیں اور ناروے کی حکومت سے مطالبہ کرتے ہیں کہ قرآن مجید کی توہین کرنے والے معلون شخص کو پھانسی کی سزا دی جائے، ناروے میں قرآن مجید کی بےحرمتی سے امت مسلمہ کے دل چھلنی اور غمزدہ ہیں، الیاس عمر کے جرات مندانہ اقدام نے پوری دنیا میں مسلمانوں کا سر فخر سے بلند کردیا ہے، گزشتہ کئی سالوں سے کبھی ڈنمارک، کبھی ناروے اور دیگر مختلف ممالک میں قرآن مجید اور پیغمبر اکرم (ص) کی توہین کا سلسلہ جاری ہے، جس سے دنیا بھر میں بسنے والے مسلمانوں کی دل آزاری ہورہی ہے اور مسلمانوں میں شدید ردعمل بھی پایا جاتا ہے، اسلام اور مسلمانوں کو انتہاء پسند کہنے والے خود انتہاء پسندی کا مظاہرہ کر رہے ہیں، اس کے اثرات پوری دنیا پر ظاہر ہورہے ہیں، اگر اس مذہبی انتہاء پسندی کو روکا نہیں گیا تو اس کے نقصانات پوری دنیا پر اثر کریں گے لہذا مغربی ممالک اس قسم کے توہین آمیز خاکوں اور قرآن مجید کی بےحرمتی کو روکنے کے لئے بنیادی اقدامات کرے تاکہ پھر کبھی کسی مذہب کے مقدسات کی توہین نہ ہو سکے۔

ناروے میں قرآن مجید کی توہین کرنے والے شخص کو پھانسی دی جائے، علامہ ناظر عباس تقوی

تازہ ترین

مقبول ترین

ہاٹ نیوز

پربحث ترین