اسلام ٹائمز۔ خبر رساں ایجنسی کی رپورٹ کے مطابق اسلامی جمہوریہ ایران کے وزیر خارجہ محمد جواد ظریف نے کابینہ کے اجلاس کے بعد صحافیوں سے گفتگو کرتے ہوئے کہا ہے کہ انھوں نے حال ہی میں طالبان کے نمائندہ وفد سے ملاقات میں افغانستان میں قیام امن کے سلسلے میں گفتگو کی۔ انھوں نے کہا کہ افغانستان میں امن و صلح کے قیام کے سلسلے میں افغانستان کی مختلف تنظیموں اور شخصیات کے ساتھ ملاقات ہوتی رہتی ہے۔ خبر رساں ایجنسی کی رپورٹ کے مطابق کل طالبان کے ترجمان ذبیح اللہ مجاہد نے اپنے ایک ٹوئیٹر میں کہا تھا کہ طالبان کے ایک وفد نے تہران میں ایرانی وزیر خارجہ محمد جواد ظریف کے ساتھ ملاقات اور گفتگو کی ہے۔