مذہبی رواداری کا پرچار کرنیوالے مغربی ممالک اپنے گریبانوں میں جھانکیں، حاجی حنیف طیب

اسلام ٹائمز۔ نظام مصطفٰی پارٹی کے سربراہ سابق وفاقی وزیر ڈاکٹر حاجی محمد حنیف طیب نے کہا ہے کہ بین المذاہب مکالمہ، انسانی حقوق کی علمبرداری اور مذہبی رواداری کا پرچار کرنے والے مغربی ممالک اپنے گریبانوں میں جھانکیں کہ کس طرح آئے روز اُن کے یہاں اسلام، مسلمانوں اور حضرت محمد مصطفٰی (ص)، صحابہ کرام اور مقدس کتاب قرآن پاک کی بےحرمتی کے واقعات رونما ہوتے رہتے ہیں اور ان کی حکومتیں اور عالمی تنظیمیں اسے اظہار آزاری رائے کا نام دے کر دنیا بھر کے مسلمانوں کی دل آزاری کرتے ہیں، یہ انتہائی افسوسناک اور دنیا بھر کے باشعور افراد کے لئے لمحہ فکریہ ہے۔