کابل:
اسلام ٹائمز۔ افغانستان میں امریکی و نیٹو افواج کے ریٹائر ہونے والے کمانڈر اور سی آئی اے کے نئے ڈائریکٹر جنرل ڈیوڈ پیٹریاس کا کہنا ہے کہ دہشت گردی کے خلاف افغان جنگ کا محور اب رفتہ رفتہ مشرق میں پاکستان کی جانب منتقل ہو رہا ہے۔ 4 جولائی کو جنرل پیٹریاس کا وردی میں آخری دن تھا، اب وہ لیون پینٹا کی جگہ لیں گے جنہیں رابرٹ گیٹس کی جگہ وزیر دفاع بنا دیا گیا ہے۔ جنرل پیٹریاس نے افغانستان سے روانگی سے قبل قندھار اور بگرام ایئر فیلڈ پر تقاریب میں شرکت کی۔ اس موقع پر میڈیا سے بات چیت میں کہاکہ آئندہ چند مہینوں میں جنگ کا محور پاکستان کے ساتھ مشرقی سرحدوں پر طالبان کی مضبوط پناہ گاہوں کی جانب منتقل ہو جائے گا۔