QR CodeQR Code

موجودہ صدی انفارمیشن ٹیکنالوجی کے تحیئر آمیز دور سے گزر کر مصنوعی ذہانت کے دور میں داخل ہو چکی ہے، عثمان بزدار

2 Dec 2019 11:42

لاہور میں میڈیا سے گفتگو کرتے ہوئے وزیراعلیٰ پنجاب نے کہا ہے کہ لینڈ ریکارڈ اتھارٹی کو ڈیجیٹلائزڈ کر کے عوام کو پٹوار کلچر سے نجات دلا رہے ہیں، نوجوانوں کے لئے ای لائبریریز کا دائرہ کار بتدریج پورے صوبے تک وسیع کریں گے۔


اسلام ٹائمز۔ وزیراعلی پنجاب عثمان بزدار نے لاہور میں میڈیا سے گفتگو کرتے ہوئے کہا ہے کہ انفارمیشن ٹیکنالوجی وقت حاضرکی نا گزیر ضرورت ہے، اس کے بغیر نئے دور میں داخل ہونا ممکن نہیں ہے۔ ورلڈ کمپیوٹر لٹریسی ڈے کے موقع پر اپنے پیغام میں ان کا کہنا ہے کمپیوٹر کی تعلیم کا تناسب بڑھائے بغیر نوجوان نسل اپنے خواب پورے نہیں کر سکتی، موجودہ صدی انفارمیشن ٹیکنالوجی کے تحیئر آمیز دور سے گزرکر مصنوعی ذہانت کے دور میں داخل ہو چکی ہے۔ وزیر اعلی پنجاب نے کہا ہے کہ صوبے کے ہر بچے اور ہر بڑے کو کمپیوٹرکی تعلیم دینا پی ٹی آئی حکومت کا عزم ہے۔ انہوں نے کہا ہے کہ لینڈ ریکارڈ اتھارٹی کو ڈیجیٹلائزڈ کر کے عوام کو پٹوار کلچر سے نجات دلا رہے ہیں، نوجوانوں کے لئے ای لائبریریز کا دائرہ کار بتدریج پورے صوبے تک وسیع کریں گے۔ ان کا مزید کہنا ہے کہ انفارمیشن ٹیکنالوجی کے ذریعے نوجوان گھر بیٹھے لاکھوں ڈالر کما سکتے ہیں، ورلڈ کمپیوٹر لٹریسی ڈے پر پنجاب کے ہر شہری کو کمپیوٹر لٹریٹ بنانے کے عزم کا اعادہ کرتے ہیں۔

 


خبر کا کوڈ: 830232

خبر کا ایڈریس :
https://www.islamtimes.org/ur/news/830232/موجودہ-صدی-انفارمیشن-ٹیکنالوجی-کے-تحیئر-آمیز-دور-سے-گزر-کر-مصنوعی-ذہانت-میں-داخل-ہو-چکی-ہے-عثمان-بزدار

اسلام ٹائمز
  https://www.islamtimes.org