0
Monday 2 Dec 2019 16:09

جو کچھ اسرائیل نے فلسطین کیساتھ کیا وہی بھارت کشمیر میں کرنا چاہ رہا ہے، سید فخر امام 

جو کچھ اسرائیل نے فلسطین کیساتھ کیا وہی بھارت کشمیر میں کرنا چاہ رہا ہے، سید فخر امام 
اسلام ٹائمز۔ چیئرمین کشمیر کمیٹی و ممبر قومی اسمبلی سید فخر امام نے کہا ہے کہ چین نے سب سے پہلے لداخ کے حوالہ سے بات کی اور کشمیر کے حوالہ سے بھی، بھارتی فوج پہلے ہی مظالم کر رہی تھی، اب انہوں نے اپنی سپیشل ٹرینڈ فورس کو بھی کشمیر بھیج دیا ہے، امریکی سینیٹرز اور عالمی مبصرین کو کشمیر جانے کی اجازت نہیں دی، جو کچھ اسرائیل نے فلسطین کے ساتھ کیا، وہی بھارت کشمیر میں کرنا چاہ رہا ہے، کشمیری حالیہ بھارتی اقدام سے قبل بھی خوشحال تھے، انہیں معاشی ترقی کا جھانسہ نہیں دیا جا سکتا۔ ان خیالات کا اظہار اُنہوں نے ملتان میں میڈیا سے گفتگو کرتے ہوئے کیا۔ سید فخر امام نے مزید کہا کہ بھارت نے اس معاملہ پر اپنے آئین سے انحراف کیا، پاکستان نے اقوام متحدہ کے جنرل اسمبلی اجلاس میں ثابت کر دیا کہ کشمیر متنازعہ علاقہ ہے، بدقسمتی سے بھارت نے کشمیر پر اپنا فیصلہ واپس نہیں لیا۔

بھارت کشمیر میں ریاستی دہشت گردی کر رہا ہے، حکومتی کوششوں سے اب کشمیر کے مسئلہ پر آواز اٹھنا شروع ہوچکی ہے، ہم سمجھتے ہیں کہ اب اقوام عالم سے ایک بھرپور آواز اٹھانی چاہیئے، پاکستان کی عوام قیادت اور حکومت کشمیر کے ساتھ ہے، دنیا بھر کے میڈیا اور اخبارات نے کشمیر کے مسئلہ پر آواز اٹھائی، فرنچ پارلیمنٹ نے تاریخ میں پہلی مرتبہ کشمیر پر بحث کی، بھارت کی باتوں پر دنیا کی طاقتور اقوام اور ممالک نے اعتبار نہیں کیا، حال ہی میں او آئی سی کی ہیومن رائٹس ونگ نے شدید تنقید کی، گاندھی اور نہرو کو بھی آر ایس ایس نے قتل کیا، جس کی سیاسی پارٹی بی جے پی بنی، ڈونلڈ ٹرمپ نے پانچ چھ مرتبہ ثالثی کی یشکش کی ہے، چین کی بھارت کے ساتھ اربوں ڈالرز کی تجارت ہے، مگر وہ پاکستان کے ساتھ کھڑا ہے، سی پیک پاکستان کی اسٹریٹجی میں شامل ہے۔
خبر کا کوڈ : 830326
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش