QR Code
امریکہ کا مقابلہ کرنے کے لئے روس اور چین کے درمیان تعاون میں اضافہ
3 Dec 2019 12:45
چین کے صدر نے دوسرے ممالک کے امور میں امریکی مداخلت پر شدید تنقید کرتے ہوئے کہا کہ روس اور چین باہمی تعاون سے امریکہ کی غیر قانونی حرکتوں کا مقابلہ کریں گے۔
اسلام ٹائمز۔خبر رساں ایجنسی نے سی سی ٹی وی کے حوالے سے نقل کیا ہے کہ چین کے صدر شی جین پینگ نے روس کی قومی سلامتی کونسل کے سکریٹری نیکلای پیٹروشف سے ملاقات میں امریکہ کی ریشہ دوانیوں کا مقابلہ کرنے کے لئے روس کے چین کے درمیان تعاون کو فروغ دینے پر تاکید کی ہے۔ چین کے صدر نے دوسرے ممالک کے امور میں امریکی مداخلت پر شدید تنقید کرتے ہوئے کہا کہ روس اور چین باہمی تعاون سے امریکہ کی غیر قانونی حرکتوں کا مقابلہ کریں گے۔ اس سے قبل امریکی صدر نے ہانگ کانگ میں انسانی حقوق اور جمہوریت کے بارے میں امریکی کانگرس سے منظور ہونے والے قانون پر دستخط کئے تھے۔ چین امریکہ کے اس اقدام پر شدید برہمی کا اظہار کیا ہے۔
خبر کا کوڈ: 830485