اسلام ٹائمز۔ اسلامی جمعیت طلبہ کراچی کے ترجمان عبدالاحد طلحہ کا کہنا ہے کہ طلبہ یونین بحالی کے حوالے سے وزیراعلیٰ سندھ سید مراد علی شاہ کا بیان قابل تعریف ہے اور جمعیت اسکا خیر مقدم کرتی ہے۔ اپنے بیان میں ترجمان جمیعت کراچی نے کہا کہ ملک بھر میں یونینز کی پابندی نے طلبہ کو مختلف گروہوں میں تقسیم کر دیا ہے، جس کے باعث تعلیمی اداروں کا ماحول اور نظام درہم برہم ہو گیا ہے۔ ترجمان نے کہا کہ جمعیت کی ایک لازوال تاریخ موجود ہے، یونین کے دور میں اور اس کی پابندی کے بعد یونین بحال کرنے کی تحریک میں جمعیت کا کوئی ثانی نہیں۔