QR Code

امریکا میں ’’محمد‘‘ پسندیدہ ترین ناموں میں شامل

6 Dec 2019 22:39

امریکی ادارے بے بی سینٹر کے اعداد و شمار کے مطابق امریکا میں نومولو بچوں کے جو 10 نام سب سے زیادہ رکھے گئے اُن میں ’’محمد‘‘ بھی شامل ہے۔ اسی طرح بچیوں کے لیے رکھے گئے 10 پسندیدہ ناموں میں عالیہ شامل ہے۔

اسلام ٹائمز۔ امریکا میں گزشتہ برس نومولود بچوں کے جو دس نام سب سے زیادہ رکھے گئے ہیں ان میں پیغمبر اسلام ﷺ کا اسم مبارک ’’محمد‘‘ بھی شامل ہے جب کہ بچیوں کا سب سے زیادہ رکھا جانے والا نام عالیہ ہے۔ امریکی ادارے بے بی سینٹر کے اعداد و شمار کے مطابق امریکا میں نومولو بچوں کے جو 10 نام سب سے زیادہ رکھے گئے اُن میں ’’محمد‘‘ بھی شامل ہے۔ اسی طرح بچیوں کے لیے رکھے گئے 10 پسندیدہ ناموں میں عالیہ شامل ہے۔ امریکی ادارے کا کہنا ہے کہ 640 بچوں کے نام ’’محمد‘‘ رکھے گئے، اگر امریکا میں لفظ ’’محمد‘‘ کے لیے رائج مختلف اسپیلنگ کو ایک کر دیا جائے تو یہ تعداد اور بڑھ جائے گی۔ مذکورہ اعداد و شمار صرف ایک اسپیلنگ (Muhammad) والے ہیں۔ ایک اور رپورٹ کے مطابق امریکا میں تیزی سے پھیلنے والا مذہب بھی اسلام ہے۔ اور امریکا میں مقیم مسلمانوں میں اپنے مذہب سے وابستگی مزید پختہ ہوتی جارہی ہے۔

خبر کا کوڈ: 831198