QR Code

اسرائیل نے اگر کوئی حماقت کی تو لبنان کے ذریعے ہی تل ابیب کو مٹی کا ڈھیر بنا دیں گے، جنرل مرتضی قربانی

9 Dec 2019 23:35

جنرل مرتضی قربانی نے کہا کہ اسرائیل نے اگر ایران کے خلاف کوئی چھوٹی سی حماقت بھی کی تو ہم لبنان کے ذریعے تل ابیب کو مٹی کے ڈھیر میں بدل دیں گے اور اس کام کے لئے ایرانی سرزمین سے کسی میزائل کو فائر کرنے کی ضرورت نہیں۔ سپاہ پاسداران کے مشیر برائے چیف کمانڈر جنرل مرتضی قربانی نے کہا کہ ہم اپنے سپہ سالار (آیت اللہ خامنہ ای) کے ایک سپاہی ہیں اور ان کے فرمان کے انتظار میں پوری طرح تیار ہیں۔

اسلام ٹائمز۔ اسلامی جمہوریہ ایران کی سپاہ پاسداران کے مشیر برائے کمانڈر انچیف جنرل مرتضی قربانی نے کہا ہے کہ اگر اسرائیل نے ایران کے خلاف کوئی احمقانہ اقدام اٹھایا تو ہم لبنان سے اقدام ہی کر کے تل ابیب کو مٹی میں ملا دیں گے۔ انہوں نے کہا کہ تل ابیب کو صفحہ ہستی سے متانے کیلئے ایرانی سرزمین سے کسی قسم کی کارروائی کرنے کی کوئی ضرورت نہیں کیونکہ یہ کام لبنان سے ہی بآسانی انجام دیا جا سکتا ہے۔ جنرل مرتضی قربانی کا کہنا تھا کہ اسلامی جمہوریہ ایران میں جب سے اسلامی انقلاب کامیاب ہوا ہے اور ایرانی قوم نے امریکی، برطانوی اور اسرائیلی کٹھ پتلیوں کو ملک سے نکال باہر کیا ہے، 40 سالوں سے ہم انہی تینوں ممالک کے جاسوسوں کیساتھ برسرپیکار ہیں۔ 
 

خبر کا کوڈ: 831775