0
Tuesday 10 Dec 2019 21:20

جمعیت علماء اسلام ضلع گلگت کی مجلس شوریٰ کا اجلاس، مولانا فضل الرحمن کی قیادت پر اعتماد کا اظہار

جمعیت علماء اسلام ضلع گلگت کی مجلس شوریٰ کا اجلاس، مولانا فضل الرحمن کی قیادت پر اعتماد کا اظہار
اسلام ٹائمز۔ جمعیت علماء اسلام ضلع گلگت کی مجلس شوریٰ کا اجلاس ضلعی امیر حاجی جمعہ خان کی صدارت منعقد ہوا۔ اجلاس میں گلگت شہر، تحصیل جگلوٹ اور تحصیل گلگت سے اراکین مجلس شوریٰ کے علاوہ صوبائی امیر مولانا عطاء اللہ شہاب، صوبائی ڈپٹی سیکریٹری مولانا نثار احمد، صوبائی ناظم اطلاعات مولانا عبد اللہ احمد، ڈپٹی سیکریٹری اطلاعات عابد اقبال، صوبائی سالار مولانا دلدار عزیزی، ضلعی جنرل سیکرٹری حافظ عنایت اللہ، تحصیل گلگت کے امیر مولانا مشتاق احمد، تحصیل جگلوٹ کے امیر مولانا مصعب ملک نے شرکت کی۔ اجلاس میں جی بی کے سیاسی معاملات میں وفاقی ذمہ داران کی مداخلت کی پرزور مذمت کی گئی جبکہ قائد جمعیت مولانا فضل الرحمن کی قیادت پر غیر متزلزل اعتماد کا اظہار کیا گیا۔ اجلاس میں جے یو آئی کے سینئر رہنما و امیر ضلع مانسہرہ مفتی کفایت اللہ پر کئے جانے والے قاتلانہ حملے کی شدید الفاظ میں مذمت کرتے ہوئے وفاقی و کے پی کے حکومت سے مطالبہ کیا گیا کہ واقعے کے حقیقی کرداروں کو بے نقاب کر کے قرار واقعی سزا دی جائے۔
خبر کا کوڈ : 831972
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش