اسلام ٹائمز۔ ڈپٹی سپیکر قومی اسمبلی قاسم خان سوری نے کہا ہے کہ مسئلہ کشمیر ایک دیرینہ تصفیہ طلب مسئلہ ہے اور خطے کے پائیدار امن کے لیے اس مسئلہ کا اقوام متحدہ کی قراردادوں کے مطابق جلد حل ناگزیر ہے۔ ان خیالات کا اظہار انہوں نے یونیورسل پیس فیڈریشن (یو پی ایف) کے وفد سے گفتگو کرتے ہوئے کیا جس نے پارلیمنٹ ہاؤس میں اُن سے ملاقات کی۔ اس موقع پر سابق ڈپٹی سپیکر قومی اسمبلی فیصل کریم کنڈی بھی موجود تھے۔