QR Code

مسئلہ کشمیر پر امریکہ اور برطانیہ سے امیدیں لگانے کے بجائے اللہ پر بھروسہ کریں، سراج الحق 

11 Dec 2019 21:36

ملتان سے جاری بہان میں جماعت اسلامی کے امیر کا کہنا تھا کہ کشمیر کا مسئلہ برطانیہ کا ہی پیدا کردہ ہے، حکومت پاکستان کے اندرونی معاملات کو بالائے طاق رکھتے ہوئے بیرون ممالک میں کشمیر کا مقدمہ پیش کرے، وزیراعظم کو وزرا اور میڈیا کے ذریعے مشورہ دیا کہ وہ تمام قومی اور کشمیری قیادت سے مشاورت کے بعد کشمیر پر روڈ میپ دیں۔

اسلام ٹائمز۔ جماعت اسلامی کے امیر و سینیٹر سراج الحق نے کہاکہ ٹرمپ اور مودی نے اسلام کے خلاف لڑنے کا اعلان کیا، اسلامی ممالک ہمارے ساتھ نہیں یہ ہماری سفارت کاری کی ناکامی ہے، پاکستان سفارتی محاذ پر جو کچھ کر سکتا تھا وہ نہیں کر رہا، کشمیر ہماری شہ رگ ہماری زندگی اور موت کا مسئلہ ہے، 370اور 35A کے خاتمے کے بعد پاکستان کی فوج کو یہ حق حاصل ہے کہ وہ کشمیریوں کو بچانے کے لیے اپنی صلاحیتیں بروے کار لائے۔ امریکہ اور برطانیہ سے امیدیں لگانے کے بجائے اللہ پر بھروسہ کریں، کشمیر کا مسئلہ برطانیہ کا ہی پیدا کردہ ہے، حکومت پاکستان کے اندرونی معاملات کو بالائے طاق رکھتے ہوئے بیرون ممالک میں کشمیر کا مقدمہ پیش کرے، وزیراعظم کو وزرا اور میڈیا کے ذریعے مشورہ دیا کہ وہ تمام قومی اور کشمیری قیادت سے مشاورت کے بعد کشمیر پر روڈ میپ دیں۔ انہوں نے کہا کہ کشمیری قیادت کی مشاورت کی روشنی میں 22دسمبر کو لائحہ عمل کا اعلان کروں گا، سید علی گیلانی نے وزیراعظم پاکستان کے نام خط لکھا کہ آپ کب ہمارا ساتھ دیں گے، کیا لاشوں کو دفنانے کے لیے آئیں گے؟۔

 

خبر کا کوڈ: 832144